24 января 2018 г.
Хĕлле юр çумасăр пулмасть. Кулленех çуса тăракан юр çуран çынсене те, тăватă кустăрмаллă техникăпа çÿрекенсене те ытлашши чăрмав кÿмест, мĕншĕн тесен вырăнти влаç органĕсем, уйрăм çын предпринимательсем, хресчен /фермер/ хуçалăхĕсем тăрăшнипе районти çул-йĕре хырса тасатма çийĕнчех тĕрлĕ техника тухать. Акă, Вăрмар поселокĕнче унта та кунта тракторсем кĕрлесе ĕçлеççĕ. Хастар трактористсем хăйсен ĕçне пысăк яваплăхпа пурнăçлассишĕн тăрăшаççĕ. Вĕсенчен пĕри - Вăрмар райповĕнче вăй хуракан Л.Григорьев /ÿкерчĕк çинче/. Вăл райпо тытăмне кĕрекен предприятисен картишĕсене, лавккасем çумĕнчи çул-йĕре юртан хырса тасатса якатать.
Источник: "Урмарская районная газета"
Первоисточник: И.ДАНИЛОВА.