09 августа 2017 г.
Вак бизнес район экономикинче пĕлтерĕшлĕ вырăн йышăнать. Вак предпринимательство субъекчĕсен шучĕ ÿснипе çĕнĕ ĕç вырăнĕсем уçăлаççĕ, çавна май район экономикинче ĕçлекен çынсен пĕтĕмĕшле шучĕ те ÿсет. Бюджета кĕрекен налук тÿлевĕн шайĕ те хăпарать. Çак кунсенче Вăрмар район администрацийĕн пуçлăхĕн ĕçĕсене пурнăçлаканĕ Н.Павлов тата райадминистрацин экономика аталанăвĕпе промышленность тата суту-илÿ пайĕн тĕп специалисчĕ А.Ильина "Уют" тулли мар яваплă обществăна çитсе курчĕç. Предприяти 2014 çулта ĕçлеме пуçланă. Унăн ĕçĕ-хĕлĕ сĕтел-пукан туса кăларассипе çыхăннă. Общество уйрăм саккас йышăнса пĕчĕк стенкăсем, купе-шкапсем, кухня тата алăк кукри валли сĕтел-пукан пуххисем, çывăрмалли пÿлĕм валли гарнитурсем, офиссем валли ятарлă сĕтел-пукан туса кăларать. Предприятие опытлă предприниматель И.Федоров ертсе пырать.
"Хальхи пурнăçра çынсемшĕн пурăнмалли кил-çурт илемĕ пĕлтерĕшлĕ вырăн йышăнать. Сирĕн предприяти туса кăларакан продукци пысăк пахалăхпа уйрăлса тăни савăнтарать, унăн хакĕ те халăха тивĕçтерет", - палăртса каларĕ Н.Павлов.
Источник: "Урмарская районная газета"
Первоисточник: Н.ШИШКИНА.