Публикации » Социаллă ĕçченсене чысланă

14 июня 2017 г.

Июнĕн 9-мĕшĕнче Чăваш Ен Пуçлăхĕ М.Игнатьев мăшăрĕпе Лариса Юрьевнăпа пĕрле К.В.Иванов ячĕллĕ Чăваш патшалăх академипе драма театрĕнче Социаллă ĕçчен кунне халалласа ирттернĕ савăнăçлă мероприятие хутшăннă. ЧР Пуçлăхĕ М.Игнатьев социаллă сферăри ĕçченсене, ветеранĕсене професси уявĕ ячĕпе саламланă, яваплă ĕçĕшĕн тав тунă. Социаллă сферăри чи лайăх ĕçченсене патшалăх, ведомство тата обществăлла наградăсем панă. РФ Социаллă страховани фончĕн Хисеп грамотине РФ Социаллă страховани фончĕн Чăваш Республикинчи уйрăмĕн тĕп специалисчĕ Маргарита Аверьянова /ÿкерчĕк çинче/ тивĕçнĕ. Халăха социаллă хÿтлĕх парас ĕçре нумай çул тÿрĕ кăмăлпа ĕçленĕшĕн ЧР "Халăха социаллă пулăшу паракан Вăрмарти комплекслă центрăн" васкавлă социаллă пулăшу паракан уйрăмĕн заведующийĕ Н.Скворцова ЧР Пуçлăхĕн Тав хутне тата сехете тивĕçнĕ.

Источник: "Урмарская районная газета"