03 мая 2017 г.
Вăрмар поселокĕнчи Культура çуртĕнче çулсеренех "Мăнкун савăнăçĕ" фестиваль районти ача сачĕсенчи ача-пăчасене, шкулта вĕренекенсене, яваплă çынсене, районта пурăнакансене йышлăн пухать. Ку хутĕнче те уяв çÿллĕ шайра иртрĕ. Çак кун фойере фестивале хутшăнакансем районти шкул çулне çитмен тата вĕрентÿ учрежденийĕсенчи ачасен пултарулăх ĕçĕсемпе паллашрĕç. Унтан акт залĕнче чаплă лару-тăрура райадминистраци пуçлăхĕ А.Тихонов, Тихвински Турамăш Турăшăн Мăнçырмари чиркĕвĕн настоятелĕ, 5-мĕш благочиннăй округĕн благочиннăйĕ Л.Ермолаев протоиерейпа Наталия матушка, ытти хăнасем Православи уявĕпе саламларĕç. Уявра малалла çамрăк артистсем ырăлăх, юрату туйăмĕсене ташăра, юрăра, сăвăсенче ĕненмелле кăтартса пачĕç.
Источник: "Урмарская районная газета"
Первоисточник: И.АНТОНОВА.