Публикации » Шупашкарта Çуркуннепе Ĕç уявне паллă турĕç

03 мая 2017 г.

Майăн 1-мĕшĕнче Шупашкарта Çуркуннепе Ĕç уявне анлăн паллă турĕç. 

Уяв шествине Чăваш Республикин Пуçлăхĕ М.Игнатьев ертсе пынă. Унпа пĕрле мероприятинче Чăваш Республикинчи "Чувашрессовпроф" организацийĕн председателĕ А.Коршунов, Чăваш Республикин Патшалăх Канашĕн Председателĕн заместителĕ - "Единая Россия" Пĕтĕм Раççейри политика партийĕн регионти уйрăмĕн секретарĕ Н.Малов, Раççей Федерацийĕн Федераци Канашĕн членĕ В.Николаев, Раççей Федерацийĕн Патшалăх Думин депутачĕ Л.Черкесов, Чăваш Республикин Патшалăх Канашĕн Председателĕ В.Филимонов, Чăваш Республикин Министрсен Кабинечĕн членĕсем, республикăри ĕç тăвакан влаç органĕсен ертÿçисем, организацисемпе предприятисенчен йышлă делегаци, тĕрлĕ вĕренÿ учрежденийĕсенчен ятарлă представительсем, пĕр сăмахпа каласан, регионти мĕнпур халăх туслăн уява пухăннă. Кăçал уяв парадĕнче пурĕ 32 пин ытла çын пулнă. "Майăн 1-мĕшĕ пуçаруллă ĕçе мухтава кăларать, халăхсен пĕр шухăшлăхĕшĕн тата социаллă яваплăхĕн символĕ пулса тăрать, ĕç яланах çĕршыври тăнăçлăхăн тата этемĕн ырлăх-тивлетлĕхĕн шанчăклăхĕ.
Чăваш Енре пурăнакансем мĕн авалтанпах ĕçе юратнипе, пĕр-пĕрне пулăшнипе палăрса тăнă, пуринпе те çураçуллă пулма ăнтăлнă", - тесе каланă уява пухăннисене саламланă май Чăваш Республикин Пуçлăхĕ М.Игнатьев.
"Ĕç - воспитанин пĕр енĕ, вăл çамрăк ăрăвăн ăс-тăнпа кăмăл-сипет пахалăхĕсене йĕркелет, таврари çынсене, Тăван çĕршыва хисеплеме хăнăхтарать", - тесе каланă сăмаха малалла тăснă май регион Пуçлăхĕ. 
Пĕлтĕр республикăра Ĕç çыннин çулталăкĕ тесе йышăннă пулнă. Тĕрлĕ мероприятисем ирттернĕ. Регионта халăх валли пысăк технологиллĕ 2700 ĕç вырăнĕ хатĕрленĕ.
Кăçал - Амăшĕпе Ашшĕн çулталăкĕ. Çемье туприне упраса хăварассишĕн, кăмăл-сипет туйăмне пуянлатасси çине пысăк тимлĕх уйăраççĕ.
Çитĕнекен ăрăва тĕрĕс воспитани парас ыйту çине витĕм кÿрессишĕн, республикăра социаллă политикăна аталантарасси çине тимлĕх уйăрассишĕн, халăх валли тивĕçлĕ ĕç вырăнĕсем хатĕрлессишĕн тăрăшаççĕ.

Источник: "Урмарская районная газета"

Первоисточник: ЧР ПА пресс-служби.