29 апреля 2017 г.
А.Г.Николаев летчик-космонавта халалласа пиçиххи ?алшăлли/ çыхса кĕрешес енĕпе Çĕнĕ Шупашкарта Пĕтĕм тĕнчери XVII турнир иртнĕ. Унта А.Ф.Федоров ячĕллĕ Вăрмарти ачасемпе çамрăксен спорт шкулне çÿрекен спортсменсем хутшăннă. 100 кг ытла виçеллĕ спортсменсем хушшинче К.Михайлов, 69 кг виçене çитичченхисенчен Р.Сапаркин /иккĕшĕ те Вăрмар поселокĕнчен/ 1-мĕш вырăнсене çĕнсе илнĕ. 90 кг виçене çитичченхи Е.Орлов тата 82 кг виçене çитичченхи Д.Михайлов /иккĕшĕ те Вăрмар поселокĕ/, И.Егоров /Кивĕ Вăрмар ялĕ/ иккĕмĕш вырăнсене тухнă, 60 кг виçене çитичченхи А.Дмитриевăн /Вăрмар поселокĕ/ тата 69 кг çитичченхи виçери А.Мясниковăн /Кавал ялĕ/ 3-мĕш вырăнпа килĕшме тивнĕ. Ку кĕрешÿре Э.Владимиров, Р.Тимофеев, Д.Орлов ырă тĕслĕх кăтартнине палăртса хăварма кăмăллă.
Источник: "Урмарская районная газета"
Первоисточник: В.ИЛЬИН, райадминистрацин физкультурaпа спорт секторeн заведующийe.