05 апреля 2017 г.
Чăваш Республикинчи вĕрентÿ учрежденийĕсенчи учительсемпе преподавательсем хушшинче кăçалхи мартăн 16-мĕшĕнче иртнĕ чĕлхе пĕлĕвĕн дистанциллĕ Олимпиадине пĕтĕмлетнĕ. Ăна Чăваш Республикин вĕрентÿ тата çамрăксен политикин "Чăваш патшалăх вĕрентÿ институчĕ" хушма пĕлÿ паракан бюджет учрежденийĕн филологи кафедри йĕркеленĕ.
Олимпиада тĕллевĕ - Чăваш Республикинчи вĕрентÿ учрежденийĕсенчи пултаруллă учительсемпе преподавательсене палăртса пулăшу кÿресси.
Палăртнă олимпиадăна Кĕлкешри Н.А.Афанасьев ячĕллĕ пĕтĕмĕшле пĕлÿ паракан тĕп шкулта вырăс литератури тата технологи, рисовани /изобразительное искусство/ предмечĕсене вĕрентекен С.Романова хутшăнса активлăх кăтартнă.
Конкурс йĕркипе олимпиадăна хутшăнакансен 2 сехет хушшинче он-лайн йĕркипе чĕлхе пĕлеслĕхне çырса пурнăçламалла пулнă. Олимпиада содержанийĕнче хальхи шайри чĕлхе пĕлеслĕхне кăтартас çĕрте профессиллĕ педагогика пĕлĕвĕсен задачисен тупсăмне çÿллĕ шайра кăтартасси, хальхи вăхăтри чĕлхе наукин актуаллă ыйтăвĕсене педагогика тавçăрулăхĕпе татса памалли, профессиллĕ шайра уйрăм çынна харпăр хăй вырăнне тупма пулăшасси пулнă.
Светлана Васильевна Романова çÿлте палăртнă тĕрĕслÿсене çÿллĕ шайра татса панă. Çапла вара олимпиада итогĕсене пĕтĕмлетнĕ хыççăн вăл 3-мĕш вырăна йышăнса III степеньлĕ Диплома тивĕçнĕ.
Источник: "Урмарская районная газета"
Первоисточник: А.ЧЕРНОВ.