18 марта 2017 г.
Çак кунсенче Çĕрпÿре район администрацийĕн пуçлăхĕн призĕсене çĕнсе илессишĕн арçын ачасемпе хĕрачасем хушшинче самбо енĕпе республикăри XVII турнир иртнĕ.
Ăна çавăн пекех Чечен Республикинчи хирĕç-тăрăва лăплантарма хутшăннă чухне пуçне хунă А.Сергеева та халалланă.
Ăмăртури тытăçусем çивĕч иртнĕ, ачасемпе çамрăксен Вăрмарти спорт шкулĕнче Л.Уливанов тата И.Никитин тренерсем патĕнче ăсталăхне туптакан спортсменсем 16 медаль çĕнсе илме пултарнă. Тĕрлĕ виçери категорисенче пĕрремĕш вырăна Антон Иванов, Артем Иванов, Д.Петров, А.Егоров, И.Егоров тухнă, иккĕмĕш вырăнта - Д.Николаев, А.Петров, К.Петров, А.Сергеева, К.Яковлев, Д.Орлов, виççĕмĕш вырăна И.Григорьев, Н.Иванов, Г.Топтыгин, Н.Петров, Е.Петров тивĕçнĕ. Самбо - хĕç-пăшалсăр хÿтĕленме пĕлни тесе куçать. Эппин вăрмарсен ку енĕпе пĕтĕмпех йĕркеллĕ. Ачасем самбо секцине кăмăлласах çÿреççĕ. Малашне те ăнăçусем пуласса чунтанах шанатпăр.
Источник: "Урмарская районная газета"
Первоисточник: В.ОРЛОВ.