01 января 2017 г.
Çĕнĕ çул - чи юратнă уявсенчен пĕри. Ăна аслисем те, ачисем те чăтăмсăррăн кĕтеççĕ. Шăхальти пĕтĕмĕшле пĕлÿ паракан тĕп шкул çумĕнчи шкул çулне çитмен ачасен ушкăнĕ паян Çĕнĕ çул уявне 26 ача капăр чăрăш тавра пуçтарăнчĕç. Çĕнĕ çул юррисем, ташшисем, сăвăсем каларĕç. Вĕсене курма ашшĕ-амăшĕсем те килнĕ. Чи малтанах Çĕнĕ çул уявĕ ячĕпе шкул директорĕ А.Мирошкина саламларĕ.
Ачасене саламлама Хĕл Мучипе Юр Пике те çитрĕç. Ашапатман карчăк, Юр кĕлетки тата тĕрлĕ юмахсенчи ытти сăнарсем те уява илем кÿчĕç. Хĕл Мучипе Юр Пике кашни ачана парнесем пачĕç. Аслисемшĕн темех мар пуль те, анчах кĕçĕн çулхисемшĕн юмахри çак сăнарсенчен илнĕ парне тĕлĕнтермĕш евĕрлех пулчĕ. Çывхарса килекен 2017 çул ырри çумне ырри хуштăр, кашни килте хăтлăх, юрату, ăнланулăх хуçаланччăр.
Источник: "Урмарская районная газета"
Первоисточник: Н.ЯНДУТОВА.