14 декабря 2016 г.
Декабрь уйăхĕн пуçламăшĕнче «Родничок» ача садĕнчи аслă ушкăншăн питех те кăсăклă иртрĕ. Воспитательсем ачасен çемйисемпе пĕрле «Атте, анне, эпĕ - спорт çемйи» уявĕ йĕркеленĕ. Мероприятин тĕп тĕллевĕ - ачасене сывă пурнăç йĕркине явăçтарасси.
Спорт - сывă пурнăçăн пĕр енĕ. Сывлăх чи пысăк пуянлăх пулнине нихăçан та манмалла мар. Ачаран спортпа туслă çын чирлемест. Вăл ĕçре те, вĕренÿре те тăрăшуллă пулать. Çитĕнекен ăру сывă та хастар пуласси ашшĕ-амăшĕнчен нумай килет. Çавăнпа аслисен çитĕнекен ăрăва тĕслĕх кăтартмалла. Çакнашкал уявсем çемьене çирĕплетеççĕ: ашшĕ-амăшĕн кăмăл-туйăмĕ çĕкленет, ача-пăча хĕпĕртет.
Пурĕ пилĕк çемье: Черновсем, Гавриловсем, Ивановсем, Михайловсем, Филипповсем хутшăнчĕç. Командăсем ултă ăмăртура тупăшрĕç. 3-мĕш вырăна - Гавриловсен тата Черновсен çемйисем, 2-мĕш вырăна - Ивановсен тата Филипповсен çемйисем йышăнчĕç. Çĕнтерÿçĕ ятне Михайловсен çемйи тивĕçрĕ, вĕсене грамотăпа тата медальпе чысларĕç.
Источник: "Урмарская районная газета"
Первоисточник: Н.ВАСИЛЬЕВА, воспитатель.