13 августа 2016 г.
Пирĕн районта çырав пĕр сăкăлтăксăр, палăртнă йĕркепе пулса пырать. Ку енĕпе çырав ирттерме шаннă уполномоченнăй, 4 инструктор участокĕ тата 25 переписчик тăрăшаççĕ. Вĕсем кашниех хăйсен ĕçне тĕплĕн пурнăçласа пыраççĕ. Кашни кил хуçалăхне, ялхуçалăх предприятийĕсемпе хресчен /фермер/ хуçалăхĕсене çитсе килеççĕ. Августăн 7-мĕшĕ тĕлне районта çырава хутшăнакан переписчиксем планпа палăртнă 11304 обьектран 11270-шне çитсе килнĕ. 11090 уйрăм çынсен хушма хуçалăхĕнче пулмалла пулсан 11056 хуçалăха çитнĕ. Çынсем çырава пĕр иккĕленмесĕр хутшăнаççĕ. Усă куракан çĕр участокĕсене палăртса хăварас пулсан планпа 24844 гектар палăртмалла пулсан, 32420 гектарне çырнă. Мĕншĕн ытларах тейĕ вулакан, çакă вăл пĕлтĕр усă курнинчен шутласан пулать /30 процент/.
Пĕтĕм Раççейри Ялхуçалăх çыравĕ августăн 15-мĕшĕнче вĕçленет.
Источник: "Урмарская районная газета"
Первоисточник: Е.МИХАЙЛОВА, районта ялхуcалaх cыравe ирттерме шаннa уполномоченнaй.