30 июля 2016 г.
Районта ĕççи вăхăчĕ хĕрсех пырать. Хальхи вăхăтра кĕрхи пĕрчĕллĕ культурăсене вырса тĕшĕлеççĕ, унпа пĕрлех кĕркунне акса хăварма çĕр те хатĕрлеççĕ.
Мĕн акса, лартса туса илнине агротехника требованийĕсене пурнăçласа, пĕр çухатусăр пухса кĕртме тăрăшаççĕ çĕр ĕçченĕсем.
«Сергеев В.М.» хресчен /фермер/ хуçалăхĕнче выльăх апачĕ те хатĕрлеççĕ, кĕрхи пĕрчĕллĕ культурăсене акса хăварма çĕр те сухалаççĕ, унсăр пуçне кĕрхи культурăсене вырма та тухнă. Вĕсен канăç çухалнă, тин çеç-ха 60 гектар çинчен кĕрхи ыраша пухса кĕртрĕç. Малтанлăха палăртнă тăрăх тĕш-тырă пĕр гектар пуçне шутласан 35 центнер тухмалла.
«Михайлов А.В.» хресчен /фермер/ хуçалăхĕ кĕрхи пĕрчĕллĕ культурăсене планпа палăртнинчен шутласан 50 процент ытла пурнăçланă.
Карăк Çырмара пурăнакан «Яковлев В.Ю.» 15 гектар çĕре арендăна илсе ялхуçалăх продукчĕсем туса илет. Хальхи вăхăтра вăл «иккĕмĕш çăкăра» кăларма тытăнса сутма пуçланă. Çапла вара Пысăк Енккасси ял тăрăхĕнче «Ĕççи-2016» малалла пырать.
Источник: "Урмарская районная газета"
Первоисточник: Н.НИКОНОРОВА.