04 июня 2016 г.
Мăнçырмари вăтам шкулта Л.Селиванова поэтессăпа вĕрентекенсемпе вĕренекенсем, администраци тата культура ĕçченĕсем тĕл пулнă. Сăмах май Л.Селиванова Чăваш Енĕн тава тивĕçлĕ вĕрентекенĕ, ЧР писательсен Союзĕн членĕ. Людмила Ивановна тĕл пулу вăхăтĕнче Мăнçырмара çуралса ÿснĕ, Аслă Отечественнăй вăрçăра пуçне хунă И.Пидюковăн хăйне евĕр шăпи çинчен каланă. Унăн мăнукĕ И.Ануфриев 2015 çулта Сычевкăри масарта аслашшĕн вил тăприйĕ çинче пулнине куççуль витĕрех каласа панă.
«Пуçару ушкăнĕсем Чăваш Енрен çапăçăва тухса кайнă, Сычевка патĕнче пуçĕсене хунă 248 çар çыннин хушамачĕсене тупса палăртнă», - пĕлтернĕ Л.Селиванова.
Источник: "Урмарская районная газета"
Первоисточник: сайт Урмарского района