04 июня 2016 г.
«Çитрĕ, çитрĕ кĕтнĕ кун -
Пит хаваслă-çке эпир.
Сыв пул, - тетпĕр садике
Аван-и, ик хутлă шкул,
Кĕç каятпăр вĕренме», -
тесе пĕлтерчĕç харăссăн Вăрмарти 2-мĕш номерлĕ «Колосок» ача-пăча садĕнчи шкул çулне çитнĕ ачасем. Акă уява хатĕрленсе илемлетнĕ капăр залра ача сачĕн ĕçченĕсем, ачасемпе вĕсен ашшĕ-амăшĕсем пуçтарăннă. Паян вĕсем хăйсем çÿренĕ ача сачĕ çинчен сăвăсене пысăк кăмăл-туйăмпа каларĕç, садикпе сывпуллашнă май хитре юрăсене тунсăхлăн шăрантарчĕç, вĕсене асăнмалăх дипломсемпе парнесем пачĕç.
Шкул çулне çитнисен ячĕпе нумай ăшă сăмах каларĕç кунта пухăннисем, умра вара - пĕлÿ тĕнчи, пĕлÿ çурчĕ, вĕрентекенсем, çĕнĕ юлташсем...
Источник: "Урмарская районная газета"
Первоисточник: Ф.ВАСИЛЬЕВА.