01 июня 2016 г.
Майăн 27-29-мĕшĕсенче Мăнçырмари пĕтĕмĕшле пĕлÿ паракан вăтам шкул бази çинче йĕркеленнĕ «Зарница» тата «Орленок» çамрăк армеецсен вăййисем иртрĕç.
Вăйăсем пуçланнă çĕре район администрацийĕн пуçлăхĕ А.Тихонов хутшăннă. Александр Иванович шкул ачисем кунта еплерех вырнаçнипе, хăрушсăрлăх правилисемпе паллашрĕ. Пĕтĕмĕшле «Зарницăпа» «Орленок» çамрăк армеецсен вăййисене йĕркелесе ирттерессине «Ачасемпе çамрăксен пултарулăх çурчĕ» учреждени хăйĕн çине илнĕ. Виçĕ кун хушшинче шкул ачисем хăйсен вăйĕпе çаврăнăçулăхне, практика тата теори пĕлĕвне кăтартрĕç. Çамрăк армеецсем йывăр заданисене пурнăçласа пĕр-пĕрне пулăшмаллине, туслă пулмаллине ăнланса илчĕç. Майăн 29-мĕшĕнче çĕнтерÿçĕсемпе призерсене чысларĕç.
Источник: "Урмарская районная газета"
Первоисточник: Н.Шишкина.