28 мая 2016 г.
Район администрацийĕн ларусен залĕнче яллă вырăнсенче пурăнакансене çурт-йĕр хăпартма е туянма социаллă тÿлев илме ирĕк паракан свидетельствăсем пачĕç.
Район администрацийĕн пуçлăхĕ А.Тихонов çамрăк çемьесемпе агропромышленноç комплексĕнче вăй хуракан граждансене пурĕ 6 свидетельство тыттарчĕ.
«2014-2017 çулсенче тата 2020 çулччен яллă вырăнсене аталантарасси çинчен» Раççей Федерацийĕн тĕллевлĕ программи Чăваш Республикинче пурăнакансемшĕн пысăк пулăшу. Çемьере миçе çын пулнине кура тÿлев сумми 377 пин тенкĕрен пуçласа 875 пин тенкĕ таранччен. Район администрацийĕн пуçлăхĕ Александр Иванович Тихонов çемьесене свидетельствăсем панă май пулăшупа ăнăçлă усă курса ялта тĕпленсе пурăнма сĕннĕ.
Источник: "Урмарская районная газета"
Первоисточник: Райадминистрацин сайтeнчен.