14 мая 2016 г.
ЧР Ĕçлев тата социаллă хÿтлĕх Министерствин «Вăрмарти социаллă пулăшу паракан центр» бюджетлă учрежденийĕнче нумай пулмасть професси ăсталăхĕ тĕлĕшĕпе «Чи лайăх социаллă ĕçчен - 2016» ятпа конкурс иртнĕ.
Пирĕн районти социаллă пулăшу паракан тĕрлĕ уйрăмсенчен 7 конкурсант тупăшнă. Вĕсен хăйсем çинчен каласа парассипе, хăйсем суйласа илнĕ професси çинчен, тутлă та техĕмлĕ апат пĕçерме пĕлнипе тата килти ĕçе еплерех пурнăçланипе паллаштармалла пулнă. Конкурса хаклакан Ж.Дмитриева, Т.Григорьева тата Н.Александрова жюри членĕсен ĕçĕ çăмăл килмен. Тĕрлĕ конкурссен пĕтĕмлетĕвĕсем тăрăх чи нумай балл пухнă Т.Павлова «Чи лайăх социаллă ĕçчен - 2016» ята тивĕçнĕ. Ытти тĕрлĕ номинацисенче палăрнă Л.Ивановăна, Н.Максимовăна, В.Алексеевăна, Н.Павловăна, Л.Николаевăна тата С.Тимофеевăна дипломсемпе чысланă.
Источник: "Урмарская районная газета"
Первоисточник: Н.ШИШКИНА.