14 мая 2016 г.
Чăваш чĕлхин инçет вĕренÿ центрĕ тата Чăваш халăх сайчĕ нумаях пулмасть «Эпĕ пĕчĕкçĕ чăваш» ятпа сăвă вулакансен видеоконкурсне туса ирттернĕ. Унта хутшăнма пĕтĕмпе 814 ĕç тăратнă.
Унăн тĕллевĕ - чăваш чĕлхине аталантарасси, ачасене мĕн пĕчĕкрен чĕлхе илемне туйма вĕрентесси, хăйсен пултарулăхне аталантарма хăнăхтарасси, аслисене ку ĕçе хастартарах хутшăнтарасси пулса тăрать. Çак тĕллевсене тĕпе хурса шкул çулне çитмен тата пуçламăш классенче вĕренекен ачасем, вĕсен ашшĕ-амăшĕсемпе педагогсем çичĕ номинаципе хутшăнчĕç. Конкурсра Чулкасри ача садне çÿрекен виçĕ çулхи С.Моисеева «Пукан çинче» ятлă номинацире пĕрремĕш вырăн йышăнма пултарчĕ. В.Андреев çырнă «Эпĕ пĕчĕк хĕрача» ятлă сăвва пуринчен те хитререх, илемлĕрех вуласа жюри членĕсене хăйĕн пултарулăхĕпе тыткăнларĕ. Çак пысăк çитĕнÿре Чулкасри шкул çумĕнчи ача садĕнчи Н.Федотова воспитателĕн тÿпи пысăк.
Источник: "Урмарская районная газета"
Первоисточник: Е.ИВАНОВА, воспитатель.