11 мая 2016 г.
2016 çулхи мартăн 1-мĕшĕнчен пуçласа Пĕтĕм Раççейри ялхуçалăх çыравне халалланă такмаксен конкурсне ирттереççĕ. Унта Раççейри çитĕнсе çитнĕ кашни гражданин хутшăнма, çакăн пек стандартлă мар жанрта хăйĕн вăйне тĕрĕслесе пăхма пултарать.
Конкурссантсем умĕнче çăмăл мар тĕллев тăрать: ялхуçалăх çыравĕ çинчен ансат, халăх чĕлхипе каласа парасси, çак масштаблă событи çинчен кашнине лайăхрах ăнлантарасси. Такмакра çыравçăсен ĕçĕ, вĕсен тата ял çыннисен, ялхуçалăх организацийĕсен ертÿçисемпе фермерсен, дачниксемпе пахчаçăсен хутшăнăвĕсем çинчен каласа пама пулать. Хăвăрăн ĕçе конкурса тăратма текст çырмалла е видеоформат хатĕрлемелле. Такмаклă мини-ролике мобильлĕ телефонпа та ÿкерме пулать. Кашни хăйне меллĕ вариант суйласа илме пултарать. Такмаксен текстне kuplet@vshp2016.ru электрон почтăпа ярса памалла, конкурса хутшăнаканăн даннăйĕсене палăртмалла. Видеоформат мелĕпе ĕçлеме кăмăллакансем такмак каласа видео ÿкерме ăна YouTube видеохостингра вырнаçтарса ун çинчен конкурс йĕркелÿçисене пĕлтерме пултараççĕ. Конкурс Положенийĕпе ВСХП-2016 пресс-центрĕн httpĕŸŸwwwĕvshp2016ĕruŸcontestŸ сайтĕнче тĕплĕнрех паллашма пулать.
Пĕтĕм Раççейри ялхуçалăх çыравĕ 2016 çулхи июлĕн 1-мĕшĕнчен пуçласа августăн 15-мĕшĕччен пырать.
Источник: "Урмарская районная газета"