23 апреля 2016 г.
Раççей Чрезвычайлă лару-тăру министерствин Чăваш Республикинчи управленийĕ «Çулăмлă калем» республикăри журналистсен конкурсне ирттерет.
Ăна Раççей Чрезвычайлă лару-тăру информаци подразделенийĕн сотрудникĕсемпе пушар хуралĕн ирĕклĕ обществин яваплă ĕçченĕсем, массăллă информаци хатĕрĕсем çыхăнса пĕрле ĕçлессине вăйлатас тĕллевпе ирттереççĕ. Конкурс 7 номинаципе иртет. Унта Чăваш Республикин территорийĕнче ĕçлекен профессионаллă журналистсем, теле- тата радиокомпанисен коллективĕсем, хаçат-журнал редакцийĕсем, информациллĕ агентствăсен пултарулăх коллективĕсем хутшăнма пултараççĕ. Конкурса 2016 çулхи январĕн 1-мĕшĕнчен пуçласа çак çулхи сентябрĕн 30-мĕшĕччен периодикăлла изданисенче пичетленнĕ, радио тата телевидени эфирне тухнă передачăсенчи материалсене тăратмалла. Унăн содержанийĕ конкурс тĕллевĕпе тата задачисемпе пĕр пулмалла. Конкурс çĕнтерÿçисене 2016 çулхи октябрĕн 5-мĕшĕччен палăртаççĕ.
Конкурса хутшăнас тесен Раççей Чрезвычайлă лару-тăру министерствин Чăваш Республикинчи тĕп правленин пресс-службинчен ыйтса пĕлме пулать. Адресĕ: 428000, Чăваш Республики, Шупашкар хули, Огнеборцевсен тăкăрлăкĕ, 4 çурт.
Тел.: 8 ?8352/ 23-11-49. Электронлă почта: mehs chuvashia@mail.ru, info209@yandex.ru
Источник: "Урмарская районная газета"
Первоисточник: Чaваш Республикинчи тeп правленин пресс-служби