16 апреля 2016 г.
2011-2020 çулсем валли йышăннă «Доступная среда» патшалăх программине пурнăçласа РФ Правительствин 2016 çулхи апрелĕн 2-мĕшĕнчи 567-р номерлĕ хушăвĕпе кăçал Чăваш Республикине инвалидсене тата питех тухса çÿреймен ытти çынсене пулăшма 36,2 миллион тенкĕ уйăрса параççĕ.
Ку укçана шкул çулчченхи учрежденисенче, пĕтĕмĕшле пĕлÿ тата хушма пĕлÿ паракан организацисенче инвалид ачасене пахалăхлă пĕлÿ илме условисем туса пама, учрежденисенче адаптивлă физкультурăпа спорта аталантарма яраççĕ.
Инвалидсен пурнăçĕнчи приоритетлă сферăсенчи объектсене адаптацилесси - «Доступная среда» патшалăх программин тĕп çул-йĕрĕсенчен пĕри. Республикăра социаллă, транспорт, инженери инфратытăмĕн 120 объектне палăртнă, вĕсенчен 55-шĕнче адаптаци ĕçĕсене пурнăçланă. 2016 çулта Чăваш Республикин ĕç тăвакан органĕсен сĕнĕвĕсене шута илсе тата 10 объекта, çав шутра 3 физкультурăпа спорт учрежденине, 2 культура учрежденине, 2 социаллă пулăшу паракан организацие, 2 ĕçлев центрне тата 1 сывлăх сыхлав учрежденине адаптаци тумаллисен шутне кĕртес ыйтăва пăхса тухаççĕ.
Источник: "Урмарская районная газета"
Первоисточник: ЧР Ecлев тата социаллa хyтлeх министерстви.