16 апреля 2016 г.
Çуркунне вĕçен кайăксем кăнтăртан таврăнса килсен хăйсен йăвисене йышăнаççĕ, çак вăхăтрах вара чылай çамрăксем тăван «йăвасене» пăрахса çар тивĕçне пурнăçлама çĕршывăн тĕрлĕ кĕтесĕсене тухса каяççĕ.
Кăçал çуркунне пĕтĕм Раççейĕпе 135850 çамрăк çар тумĕ тăхăнĕ. Чăваш Республикинчен кăçал çар тивĕçне пурнăçлама 1491 çамрăка призыв шучĕпе çара илĕç. ЧР Çар ĕç комиссариачĕн Вăрмар тата Куславкка районĕсен пайĕн начальникĕ В.Ляшенко пĕлтернĕ тăрăх, кăçал Вăрмар тата Куславкка районĕсенчен çĕршыва сыхлама 60 çамрăк кайĕç. Пурте вĕсем медицина комиссийĕ витĕр тухнă, çар тивĕçне пурнăçлама юрăхлă. Çамрăксен пĕрремĕш ушкăнĕ Канашри сбор пунктне майăн 11-мĕшĕнче тухса кайĕ, ытти ушкăнсене çар чаçĕсене çирĕплетнĕ графикпа илсе кайĕç.
В.ТОЛМАТОВ.
Источник: "Урмарская районная газета"