Публикации » «Вилĕмпе ăçта сутă тунине пĕлтер»

27 марта 2013 г.

Çак ятпа республикăра кăçалхи апрелĕн 18-19-мĕшĕсенче наркотике хирĕç Пĕтĕм Раççейри акци иртет. Унăн тĕп тĕллевĕ - саккунсăр майпа наркотикле япаласемпе сутă тунине тупса палăртасси, наркотикпе усă курассинчен тытса чарасси, наркотикла япаласемпе усă куракан çынсене унран тухма пулăшасси. Çак акцие хутшăнса РФ Шалти ĕçсен муниципалитетсем хушшинчи «Урмарский» уйрăмĕ ятарласа ĕçлĕ ушкăн туса хунă. Унăн яваплă çыннисем çак вăхăтра вĕрентÿ учрежденийĕсенче пулса вĕренекенсемпе наркотиксен сиенĕ çинчен уçă уроксем, калаçусем ирттерĕç, çавăн пекех ку енĕпе уголовлă тата административлă явап тыттарасси пирки те тĕплĕн ăнлантарса парĕç. Çынсен сывлăхне сиен кÿрекен саккунсăр майпа наркотикле япаласемпе ăçта сутă тунине оперативлă информаци пама, наркотикпе усă куракансене квалификациллĕ пулăшу кÿме 2-19-07, 2-19-08 тата 02 номерлĕ шанăç телефонĕсемпе пĕлтерме пултараççĕ.