23 марта 2013 г.
Вăрмарти Культурăпа кану çуртĕнче районта иртнĕ «Çулталăк воспитателĕ – 2013» конкурса хутшăннă участниксене чысласси иртрĕ.
Тăхăр конкурсантран финала пиллĕкĕн тухрĕç. Акă вĕсем: С.Васильева («Ромашка» ача садĕнчи музыка руководителĕ), О.Давыдова ( «Зоренька» ача садĕнчи воспитатель), Ф.Егорова (Пинерти пĕтĕмĕшле пĕлÿ паракан тĕп шкул çумĕнчи шкул çулне çитмен ачасен ушкăнĕнчи воспитатель), Л.Захарова (Кĕтеснерти «Солнышко» ача садĕнчи воспитатель), И.Михайлова («Березка» ача садĕнчи воспитатель). Конкурсантсем темиçе тапхăр витĕр тухрĕç, хăйсене тĕрлĕ енлĕн кăтартрĕç. Жюри членĕсен чи пултаруллине тупса палăртма пĕрре те çăмăл пулмарĕ. Çавах та «Çулталăк воспитателĕ – 2013» ята Вăрмарти «Ромашка» ача садĕнче музыка руководителĕ пулса ĕçлекен С.Васильева тивĕçрĕ.