20 марта 2013 г.
Пур çын та хĕл иртсе кайнишĕн хĕпĕртет, çуркуннене хаваслăн кĕтсе илме тăрăшать. Акă, сăмахран, кĕçĕн классенче вĕренекенсем «Айтăр-ха, хĕр ачасем!» конкурс ирттерчĕç. Конкурса 1-4 классенчи хĕр ачасем «Хĕвелпи», «Чечек», «Хĕр ачасем» ушкăнсенче хутшăнчĕç. Чи малтанах хĕр ачасем хăйсемпе паллаштарчĕç. Ку конкурсра хĕр ачасем пурте пултаруллине кăтартрĕç. Кунта тÿмене хăвăртрах çĕлессипе, тупмалли юмахсен тупсăмĕсене пĕлессипе, чи хитре ташлассипе тупăшрĕç. Конкурссем вĕçленсен арçын ачасем такмаксем юрласа, ташласа уяв ячĕпе саламларĕç. Юлашкинчен çĕнтерÿçĕсене палăртрĕç. Чи пултаруллă хĕр ачасем «Чечек» ушкăнрисем, 2-мĕш - «Хĕр ачасем», «Хĕвелпи» - 3-мĕш вырăнта.