17 октября 2015 г.
«Çамрăксем - сывă пурнăç йĕркишĕн» акцие хутшăнса Пысăк Енккасси Культура çурчĕ чылай ĕç туса ирттерет. Кăнтăрла е каçкÿлĕм хăйсен хулçурăмне йывăр атлетика снарячĕсемпе тĕреклетеççĕ, алă вăйне виçес енĕпе ятарлă сĕтел çинче вăй виçеççĕ. Хускану вăййисене те кăмăллаççĕ кунта. Иртнĕ кану кунĕнче Пысăк Енккасси культура учрежденийĕн пуçарăвĕпе ял çамрăкĕсенчен тăракан вăйă ушкăнĕ волейбол выляса ялти вăтам шкул командипе тупăшрĕ. Вăйă çивĕч те хĕрÿ пулни - çамрăксен выляс пултарулăхĕ ÿссе пынине кăтартрĕ. Çамрăксен командинчи Никитăпа Вадим Никифоровсен, Николай Ивановпа Виктор Толмачев, Леня Степановпа Саша Ильин, Володя Гурьев ăста вылянине курма кăмăллă. Ку хутĕнче ял çамрăкĕсенчен тăракан команда çĕнтерĕве алăран вĕçертмерĕ. 2 : 1 (25:16, 25:27, 25:23) - вăйă кăтартăвĕ. Раççей тава тивĕçлĕ тренерĕ Юрий Архиповпа Культура çурчĕн ертÿçи Николай Гаврилов командăсене малашлăхра ăнăçусем сунса спорт сывлăх çăлкуçĕ пулнине, пурнăçра тĕп вырăн йышăннине палăртрĕç.
Источник: "Урмарская районная газета"
Первоисточник: Н.ГАВРИЛОВ