22 июля 2015 г.
.jpg "Пурăнмалли çурт-йĕрпе коммуналлă хуçалăхсем хĕле хатĕрленеççĕ")
Кăçалхи июлĕн 17-мĕшĕнче райадминистрацин пуçлăхĕн ĕçĕсене пурнăçлакан А.Тихонов 2015-2016 çулсенче хутса ăшăтмалли тапхăра йĕркеллĕ, пĕр сăкăлтăксăр ирттерсе ярасси пирки канашлу ирттернĕ. Канашлăва пурăнмалли çурт-йĕрпе коммуналлă хуçалăх ертÿçисем хутшăннă. Вĕсемпе райадминистрацин пуçлăхĕн ĕçĕсене пурнăçлакан А.Тихонов Чăваш Республикинчи Вăрмар районĕнче социаллă сферăри топливăпа энергетика комплексĕсене, пурăнмалли çурт-йĕрпе коммуналлă хуçалăхсене хĕле вăхăтра тата пахалăхлă хатĕрленмеллине палăртнă. Районти пурăнмалли çурт-йĕрпе коммуналлă хуçалăхĕсен ертÿçисем юсав ĕçĕсем мĕнле пыни пирки тухса калаçнă. Канашлăва пуçтарăннисем хальхи вăхăтри чи çивĕч ыйтусене те - çутăпа, ăшăпа, шывпа тивĕçтересси тата уйрăм кил-çуртран таса мар шыва юхтарса кăларассине те - хускатнă.
Источник: "Урмарская районная газета"
Первоисточник: Н.ШИШКИНА.