Публикации » «Арктикăн чĕрĕ символне упраса хăварар!»

02 марта 2013 г.

Ăна Пĕтĕм тĕнчери чĕрчунсене хÿтĕлемелли фондăн «Чĕр чунсене хÿтĕлемелли эрнелĕх» вĕрентÿ программи шайĕнче йĕркеленĕ. Конкурсăн республикăри тапхăрĕнче 16 районтан 723 ача хутшăннă. Энĕшпуçĕнчи вăтам шкулта кĕçĕн классенче вĕренекенсем, çут çанталăкăн çамрăк хÿтĕлевçисем, хăйсен аллипе содержани тĕлĕшĕнчен пуян, илĕртÿллĕ ÿкерчĕксемпе плакатсем хатĕрленĕ. Конкурса тăратнă кашни ĕçĕн тĕллевĕ çĕр çинчи чи пысăк чĕрчуна - шурă упана - сыхласа хăварассине пропагандăласси. Конкурса виçĕ тĕрлĕ ÿсĕмри ушкăнсенче пĕтĕмлетнĕ. Комисси членĕсем 1-4 класс ачисем хушшинче Энĕшпуçсене палăртнă. Пĕрремĕш вырăна А.Игнатьева, виççĕмĕш вырăна Р.Яковлев тухнă. Лауреат ятне С.Расколов, С.Иванов тивĕçнĕ.