02 марта 2013 г.
В.Анисимов СССР спорт мастерне халалласа самбо енĕпе кĕрешессипе Пĕтĕм Раççейри вуннăмĕш уçă турнира Раççей тата Казахстан Республикинчи 25 хула командисем хутшăннă.
Вĕсен шутĕнче Вăрмар спортсменĕсем те пулнă. Л.Уливанов ертсе пыракан тренерăн вĕренекенĕсем: Дмитрий Алексеев пĕрремĕш, Кирилл Михайлов иккĕмĕш вырăнсене тивĕçнĕ. Никита Никитин тата Дмитрий Никитин пиллĕкмĕш вырăна тухнă. Çавăн пекех самбо енĕпе кĕрешсе мала тухассишĕн Шупашкарта иртнĕ турнирта 84 килограмм таран виçере Дмитрий Алексеев - пĕрремĕш, 84 килограмлă виçерен иртнисем хушшинче Кирилл Михайлов - пĕрремĕш, 72 килограмм таран виçере Дмитрий Никитин - пĕрремĕш, 66 килограмм таран виçере Никита Никитин - виççĕмĕш, 46 килограмм таран виçере Виктор Иванов виççĕмĕш вырăна тивĕçнĕ. Маттур самбистсем çитес вăхăтра Пенза хулине хăйсен ăсталăхне кăтартма кайма хатĕрленеççĕ.