03 июня 2015 г.
Район администрацийĕнче çул çинче хăрушсăрлăхпа тивĕçтерес енĕпе ĕçлекен комиссин ларăвĕ иртнĕ. 2015 çулхи 1-мĕш кварталăн пĕтĕмлетĕвĕсемпе РФ ШĔМĕн муниципалитетсем хушшинчи «Урмарский» уйрăмĕн ГИБДД пайĕн аслă инспекторĕ В.Кузьмин паллаштарнă. Вăл палăртнă тăрăх, кăçалхи пĕрремĕш кварталта çул-йĕрпе транспорт инкекĕсем, пĕлтĕрхипе танлаштарсан, 16,6 процент таран чакнă.
Комисси членĕсем çуллахи вăхăтра шкул ачисене çул-йĕр правилисене ăнлантарас ĕçе вăйлатмалли çинчен каланă. Ку енĕпе туса ирттернĕ ĕçсем пирки райадминистрацин вĕрентÿпе çамрăксен политикин пайĕн начальникĕ Ю.Соколов чарăнса тăнă. Ларура çавăн пекех районти 39-мĕш номерлĕ пушар хуралĕн «ЧР пушара хирĕç кĕрешекен службăн 9-мĕш номерлĕ федераллă отрячĕн» начальникĕ Д.Григорьев, район больницин тĕп врачĕ В.Кириллов тухса калаçнă.
Источник: "Урмарская районная газета"
Первоисточник: Н.НИКОЛАЕВА.