06 мая 2015 г.
РФ ШĔМĕн муниципалитетсем хушшинчи «Урмарский» уйрăмĕнче шалти ĕçсен органĕсен тата шалти çарсен ветеранĕсен кунне халалланă професси уявĕ иртнĕ. Ăна 2010 çултанпа, апрелĕн 17-мĕшĕнче уявлаççĕ.
Мероприятие районти шалти ĕçсен пайĕнче ĕçлесе тĕрлĕ çулсенче пенсие тухнă милици ветеранĕсем пухăнчĕç. Чи малтанах вĕсене муниципалитетсем хушшинчи «Урмарский» уйрăмĕн начальникĕ И.Константинов уяв ячĕпе саламларĕ, йĕрке хуралĕнче тивĕçе чыслăн пурнăçланă ветерансене паянхи кун та шалти ĕçсен уйрăмĕпе çыхăну тытса тăнăшăн, районти милици ветеранĕсен организацийĕн представителĕсем çамрăк полици сотрудникĕсене вăхăтра тĕрĕс канаш парса пулăшнăшăн, тĕрлĕ лару-тăрура еплерех пулмаллине ăс парса пынăшăн тав турĕ. Мероприяти вĕçĕнче полици сотрудникĕсемпе милици ветеранĕсем йĕрке хуралне, хăйсен тивĕçне пурнăçласа пуçĕсене хунă сотрудниксене халалласа лартнă палăк умне чĕрĕ чечексем хучĕç.
Источник: "Урмарская районная газета"
Первоисточник: И.КУПРИЯНОВА.