13 февраля 2013 г.
Çĕнĕ меслетсемпе усă курса «Физкультура» тата «Сывлăх» вĕрентÿ облаçĕсене пурнăçламалли майсем шыраса тупса тĕрлĕ мероприятисем ирттеретпĕр. Акă нумаях пулмасть «Зоренька» 3-мĕш номерлĕ ача-пăча садĕнче шкула каймалли ачасен ушкăнĕнче сывă пурнăç йĕркине мала хурса спорт уявĕ ирттерчĕç.
Ачасем сывлăха епле упрамалли çинчен сăвăсем каларĕç, тупмалли юмахсем тупрĕç. «Физкульт-Ура!», «Пурте спортпа туслă» юрăсене хавассăн шăрантарчĕç. Икĕ командăна пайланса тĕрлĕ эстафетăна хутшăнчĕç. Скакалкăпа сиксе Ю.Сергеева, С.Иванова мала тухрĕç. Спорт кăшăлĕ çавăрттарса Д.Васильев, С.Сапаркин чи пултаруллисен шутне кĕчĕç. Ачасем карталанса «У Меланьи, у старушки» вăйă, «Упапа пыл хурчĕ» хускану вăййи, «Спортпа çыхăннă сăмах туп» вăйă та вылярĕç.
Вĕсем те ачасене спортпа туслă пулни сывлăхшăн усăлли çинчен, сывă пурнăç йĕркине мĕнле тытса пымалли çинчен вăйăсем урлă ăнлантарчĕç. Çакăн пек спорт уявĕсене ача-пăча садĕнче ирттерни ачасене кĕлеткипе те, ÿт-пĕвĕпе те, ăс-тăнĕпе те малалла аталанма пулăшать.