07 июня 2014 г.
Ÿркенмен ăста пулнă
Пирĕн районта çĕвĕ производстви çулсерен лайăх аталанса пырать. Акă 2010 çулхи октябрĕн 21-мĕшĕнче «Светлана» тулли мар яваплă общество ĕçлеме тытăнать. Кăçал вара асăннă предприяти йĕркеленнĕренпе 4 çул çитет. Апла пулин те, унăн ĕç кăтартăвĕсем курăмлă, çулсерен тупăшне ÿстерет, заказсем те нумайланса пыраççĕ. Фабрика ертÿçи - С.Белоусова, вăл ĕç вырăнĕсем йĕркелессипе лайăх ĕçлет, кунта çутă, çулла уçă, хĕлле ăшă, ĕçлемешкĕн пĕтĕм условисем пур. Паян кунта 64 çын ĕçлет, вĕсенчен 41 çĕвĕç вăй хурать. «Ÿркенмен ăста пулнă», - теççĕ халăхра, çавăнпа та ĕнтĕ çĕвĕ машини умĕнче ларакан хĕрарăмсем ÿркенекен çынсем мар, тĕрлĕ ялсенчен ĕçе кашни кунах тулли кăмăлпа çÿреççĕ, хăйсен ĕçне лайăх пĕлеççĕ, тăрăшса ĕçлеççĕ. Акă Г.Корнилова ?ÿкерчĕкре% кунта фабрика уçнăранпах тăрăшать.
Кунти ĕçченсен тĕп тĕллевĕ - тиесе ăсатнă продукцин калăпăшне ÿстересси, кăçал 12 млн ытла тенкĕлĕх продукци туса кăларнă çĕвĕçсем.
«Малашлăхра пирĕн плансем пысăк», - тесе палăртать Светлана Николаевна Белоусова.
Источник: "Урмарская районная газета"
Первоисточник: Т.Вазюкова.