26 января 2013 г.
Чăваш Республикин машинăсене тĕрĕслесе тăракан патшалăх инспекцийĕн хушăвĕпе килĕшÿллĕн январĕн 25-мĕшĕнчен пуçласа февралĕн 25-мĕшĕччен Чăваш Енре «Снегоход» операци иртет.
Çавна май Вăрмар тата Куславкка районĕсенчи патшалăх надзорĕн инспекцийĕ тĕрлĕ ведомство ĕçченĕсемпе пĕрлехи рейдсене тухса çÿрĕç. Рейдсен тĕллевĕ - пур снегоходсене шута илесси, мотохатĕрсемпе çÿреме ирĕк пуррипе çуккине, вĕсене техника тĕрĕслевĕ витĕр тухнине тĕрĕслесси тата юсавсăррисене регистраци учетĕнчен кăларасси.
2013 çул пуçламăшĕнче икĕ районпа юр çийĕн çÿрекен 15 мотохатĕр шутланса тăрать.