23 января 2013 г.
Ĕнер Вăрмар районĕнче ĕçлĕ визитпа Чăваш Республикин ял хуçалăхĕн министрĕ С.Павлов пулчĕ.
Тăвай районĕнчи ял хуçалăх лару-тăрăвĕпе паллашнă хыççăн вăл Вăрмар район администрацийĕн пуçлăхĕпе К.Никитинпа, унăн заместителĕпе ял хуçалăхĕпе çĕр хутшăнăвĕсен пайĕн пуçлăхĕпе Д.Ивановпа тĕл пулнă, районта «АПК аталанăвĕ» наци проекчĕ мĕнле пурнăçланса пыни пирки кăсăкланнă май Кивĕ Вĕренерти «Иванов Ю.Г.» хресчен (фермер) хуçалăхĕнче, «Иванов В.А» хресчен (фермер) хуçалăхĕн поселокра вырнаçнă базинче, Энĕшпуçĕнчи «Сарапаева Т.Н.» хресчен (фермер) хуçалăхĕн сурăх, ĕне ĕрчетмелли ферминче пулса унти ĕç-хĕлпе тĕплĕн паллашнă. Ял хуçалăх министрĕ Сергей Владимирович асăннă хуçалăхсенче выльăх-чĕрлĕх еплерех хĕл каçнипе интересленнĕ, хресчен (фермер) хуçалăхĕсене паракан пулăшу мелĕсене сÿтсе явнă.