19 января 2013 г.
Чăваш Республикин Спортпа физкультура тата туризм министерстви 2013 çулта туса ирттермелли спорт мероприятийĕсен планне çирĕплетнĕ.
Унпа килĕшÿллĕн 54 спорт тĕсĕпе 300 яхăн ăмăрту, сывлăх акцийĕсем ирттерме палăртнă. Çав шутран Раççей шайĕнчи 30 яхăн мероприяти - çăмăл атлетика, маунтинбайк, хăвăрт утасси тата ытти ăмăртусем те. Июнь уйăхĕнче «Олимпийский» стадионта çăмăл атлетика енĕпе çамрăксем хушшинче мала тухассишĕн Раççей чемпионачĕ иртĕ. Сусăррисем ухăран персе тупăшĕç. Мартăн 1-3-мĕшĕсенче Раççейри триатлонçăсен федерацийĕ çĕршыври спортсменсене Çĕнĕ Шупашкара пуçтарĕç. Çавăн пекех «Советская Чувашия» хаçат призĕсене çĕнсе илессишĕн çăмăл атлетсем хушшинче ирттерекен турнира та манса хăварман.