19 января 2013 г.
Кĕтеснер ачисем кашни çулах Раштав чăрăшĕ тавра пухăнаççĕ.
Кăçал та вĕсене Хĕл Мучипе (А.Скворцов) Юр пике (Д.Федорова) вăйă картине йыхравларĕç. Савăк юрăсем юрларĕç, хаваслă ташăсем ташларĕç, Хĕл Мучине сăвăсем каласа савăнтарчĕç. Ашапатман карчăк (Л.Ломоносова) тем пекех Хĕл Мучи вырăнне йышăнас тесе тапаланчĕ, уяв чăрăшне те шăрпăк чĕртсе тивертме хăтланса пăхрĕ, анчах тăрăшни кăлăхах пулчĕ унăн. Уяв савăнăçпа вĕçленчĕ. Раштав уявне килнĕ кашни ачанах Хĕл Мучипе Юр пике пылак çимĕçпе сăйларĕç. Вĕсене туянма Кĕтеснер ял тăрăхĕн пуçлăхĕ А.Егоров кăмăлпах пулăшрĕ. Юлашкинчен пурте пĕрле чăрăш патне тăрса асăнмалăх сăн ÿкерттерчĕç.