19 февраля 2014 г.
Хĕл кунĕсем иртни сисĕнмерĕ те, çанталăка çурхи сăн çапрĕ, çумăрĕ те çуса илчĕ. Техникăсене çурхи ака-суха ĕçĕсем валли паянах хатĕрлеме тытăнмалла. Юсавсăррипе юсавлине тĕрĕслемесĕр ĕçе тухма юраманнине пурте пĕлеççĕ. Ĕçре инкек-синкек ан пултăр тесен уйрăм çынсен, предприятисемпе организацисен, хуçалăхсен хăй тĕллĕн çÿрекен тата ытти тĕрлĕ машинăсене техосмотр кăлармалла. Ку енĕпе ятарласа кашни çулах график туса хатĕрлетпĕр. 2013 çулта районти гостехнадзорта 762 единица тĕрлĕ йышши, агропромышленнсть комплексĕнче ĕçлеме - 170, уйрăм çынсем 561 техника регистрациленĕ. Вĕсенчен ытларахăш пайне техосмотр кăларнă: агропромышленность комплексĕнче ĕçлекен техникăсен 86 процентне, уйрăм çынсен - 45, предприятисемпе организацисен 68 процентне.
Источник: "Урмарская районная газета"
Первоисточник: В.НИКОЛАЕВ, Гостехнадзор инспекцийeн начальникe.