05 февраля 2014 г.
Хаçат страницисем урлă пултаруллă та маттур, пур енлĕн аталанма тăрăшакан, яланах çĕннине пĕлме çунакан, çитĕнÿ тума ăнтăлакан, мĕн ача садĕнчен пуçласа паянхи кунчченех «Стэп» ушкăнра ташă ăсталăхне туптама çÿрекен, ал ĕçĕпе аппаланма юратакан Екатерина Яковлевăпа паллаштарас килет. Хĕр пĕрчи Арапуçĕнчи 2-мĕш класра ăс пухать. Катя вĕренÿре аван ĕлкĕрсе пырать, кашни урока тĕплĕн хатĕрленет, савăнса кĕнеке вулать, ташлама, юрлама юратать. Маттур та хастар, мал ĕмĕтлĕ хĕр ача пĕр вырăнта ларма пултараймасть, яланах мĕн те пулин çĕнни шырать.Çамрăк вĕренекен тĕрлĕ конкурссене хутшăнса сахал мар Хисеп хучĕ илме ĕлкĕрнĕ те ĕнтĕ. Пултаруллă хĕр ача «Çулталăк символĕ» конкурса хутшăнса пĕлтĕр иккĕмĕш, кăçал виççĕмĕш вырăна тухма пултарчĕ. Кашни çитĕнÿшĕн çывăх çыннисем чĕререн савăнаççĕ, ăнăçу сунаççĕ.
Источник: "Урмарская районная газета"
Первоисточник: М.КРЫЛОВА