04 декабря 2013 г.
Хальхи вăхăтра шкултан вĕренсе тухакана ĕçе вырнаçма пĕртте çăмăл мар. Ĕç сĕнекенсем ытларах чухне опытлă çынсене ĕç вырăнĕпе тивĕçтереççĕ. Мĕн тумалла-ха çамрăкăн?
Професси паракан вĕрентÿ учрежденийĕсенчен вĕренсе тухакан çамрăксене пулăшас тĕллевпе Вăрмар районĕн ĕçпе тивĕçтерекен центрĕ пуçламăш тата вăтам професси пĕлĕвĕ илнĕ ĕçсĕр 18-20 çулти граждансене, вĕсем пирвайхи хут ĕç шыраççĕ тата опыт çук пулсан, вăхăтлăх ĕçе вырнаçма йĕркелекен программăна хутшăнма сĕнеççĕ.
Çак программăн тĕллевĕ: ĕçпе тивĕçтерекен центрта регистрациленнĕ çамрăксене ĕçе вырнаçма майсем туса парасси, професси пĕлĕвĕ илме, хăнăхупа пултараслăха ÿстерме пулăшасси, программа вĕçленсен е вĕçленичченех, май килсен, пĕр-пĕр предприятире яланлăха ĕçе вырнаçтарасси.
18-20 çулти ĕçсĕр граждансене вăхăтлăх ĕçе вырнаçтармалли йĕркепе патшалăх пулăшăвне пуçламăш тата вăтам професси паракан вĕрентÿ учрежденийĕсенчен пĕлÿ илсе тухнă, ĕçсĕр тесе йышăннă 18-20 çулти çамрăксем, вĕсем пирвайхи хут ĕç шыраççĕ тата ăна тупасси ансат мар пулсан, тивĕçеççĕ.
Патшалăх пулăшăвне тивĕçес тесен ĕçпе тивĕçтерекен центра18-20 çулти çамрăкăн хăйĕн пымалла та ятарлă бланк çине ыйтса çырмалла е патшалăх пулăшăвне паракан центр сĕнĕвĕпе хăй килĕшнине çырса пĕлтермелле.
2013 çул пуçламăшĕнчен Вăрмар районĕнче 18-20 çулти 5 çамрăка ĕçе вырнаçтарнă.
Источник: "Урмарская районная газета"
Первоисточник: Ecпе тивecтерекен центр.