30 ноября 2013 г.
Йĕркелĕх хуралĕнчи органсене пĕлсе тăрсах суя çăхав пĕлтерни те тĕл пулкалать-ха. Ăна пĕлтерекен граждансем çакăн тĕлĕшпе РФ Уголовнăй Кодексĕн 306 статйипе явап тытассине пĕлмеççĕ те пулĕ. Саккуна пĕлменни вара яваплăх тытассинчен хăтармасть.
Пĕр тĕслĕх кăна - Вăрмар поселокĕнче пурăнакан П. гражданка, хăйĕнпе хут уйăрттармасăр пурăннă пулнă арçынна кураймасăр РФ ШĔМĕн муниципалитетсем хушшинчи «Урмарский» уйрăмне пырса К. гражданин 2012 çултах унăн докуменчĕсене вăрланă пирки евитленĕ. Каярах çакă суя çăхав кăна пулни палăрнă - К. гражданин çак киревсĕр ĕçе туман. Халĕ вара хĕрарăмăн хăйĕн киревсĕр ĕçĕшĕн саккун умĕнче явап тытма тивĕ.
Источник: "Урмарская районная газета"
Первоисточник: Ю.КУЗНЕЦОВ, следователь.