27 ноября 2013 г.
Раççей Шалти ĕçсен министерствин 2013 çулхи февралĕн 28-мĕшĕнчи 4541 номерлĕ хушăвне, Чăваш Республикинчи ШĔМĕн 2013 çулхи мартăн 13-мĕшĕнчи приказне пурнăçласа РФ ШĔМĕн муниципалитетсем хушшинчи «Урмарский» уйрăмĕ ноябрĕн 18-29-мĕшĕсенче «Вилĕмпе ăçта сутă тунине пĕлтер!» наркотике хирĕç кĕрешекен Пĕтĕм Раççейри акцин иккĕмĕш тапхăрне ирттерет. Унăн тĕллевĕ – çынсене наркомани ыйтăвĕ çине тимлĕрех пăхма хистесси, наркотиксемпе усă куракансене çак усал чиртен хăтăлма пулăшасси. Акци вăхăтĕнче наркотик саракансем, вĕсемпе усă куракансем пирки пĕлсессĕн районти шалти ĕçсен пайне 2-19-07, 2-17-40, 2-19-08 номерлĕ «шанăç телефонĕсемпе» пĕлтермелле.
Источник: "Урмарская районная газета"
Первоисточник: Ю.Михеев, полици начальникe.