27 ноября 2013 г.
РФ шалти ĕçсен министерствин муниципалитетсем хушшинчи «Урмарский» уйрăмĕнче пăшала упрама тата унпа усă курма ирĕк паракан лицензи парас ĕç енĕпе граждансемпе юридици сăпатĕнчи çынсене кашни эрнере тунти кунпа эрне кун йышăнаççĕ. Çавăн пекех хальхи вăхăтра граждансем çак енĕпе заявление Патшалăх пулăшăвĕн порталĕ урлă та тăратма пултараççĕ. Çакăн валли гражданинăн пенси свидетельствипе, ИНН усă курса патшалăх пулăшăвĕн порталĕнче регистрациленмелле, «Раççей Почти» е «Ростелеком» урлă активаци кодне илмелле. Порталта патшалăх пулăшăвне илме заявка çырмалла. Саккунпа палăртнă вăхăт иртсессĕн эсир черет тăмасăрах хатĕр документа районти шалти ĕçсен пайĕнчен килсе илме пултаратăр.
Хĕç-пăшала упрама тата унпа усă курма ирĕк паракан лицензи илес ĕç енĕпе ыйтусем пулсан граждансен РФ Шалти ĕçсен министерствин муниципалитетсем хушшинчи «Урмарский» уйрăмне çак адреспа килмелле: Вăрмар поселокĕ, Советски урамĕ, 6 çурт.
Источник: "Урмарская районная газета"
Первоисточник: С.Нягин, инспектор.