02 ноября 2013 г.
Шкул ачисем шкул сукмакне такăрлатма тытăнни икĕ уйăх та çитрĕ. Кĕтеснер шкулĕнчи ачасем те Пĕлÿ çĕршывĕ тăрăх хастар утăмсемпе утаççĕ.
Сăмахăм манăн 2-мĕш класра вĕренекенсем çинчен пулĕ. Класра 9 ача: 5 арçын ача тата 4 хĕр ача. Ачасем тăрăшуллă, уроксенче тимлĕ итлесе ларма кăмăллаççĕ. Уйрăмах литература вулавĕн урокĕсем питĕ кăсăклă иртеççĕ. Ачасем тĕрлĕ япаласем шутласа кăларас тĕлĕшпе питĕ пултаруллă пулнине нумайăшĕ чухлаççĕ ĕнтĕ.
Урокра пулмасла халапсем вуларăмăр. Килте ачасене хăйсене халапсем шухăшласа тупма хушрăм. Тепĕр урокĕнче вара... чăн-чăн уяв пулчĕ пирĕн. Ачасем хăйсен халапĕсене каласа пачĕç.
Источник: "Урмарская районная газета"
Первоисточник: Н.НИКОЛАЕВА.