17 августа 2013 г.
Çул - пурнăç артерийĕ,- теççĕ. Ку енĕпе федераллă, республикăра ятарлă программăсем ĕçлеççĕ. Халăх пурăнакан мĕн пур вырăнсен тĕп урам сетьне асфальт сармалли программăна, çак ĕçе те 2015 çул тĕлне, вĕçлеме палăртнă. Вăл паян республикăра ăнăçлă пурнăçланса пырать.
Вăрмар районĕнче «Çÿлти Кинчер - Вăтакас» автоçул (вăл 1,972 километрпа танлашать) çинче халĕ строительство ĕçĕсем пыраççĕ. Ку ĕçсене пурнăçлама 27 миллион та 902 пин тенкĕ уйăрнă, çав шутран вырăнти бюджетран 1 миллион та 395 пин тенкĕ. Паянхи куна кунта 18 миллион тенкĕлĕх ĕç пурнăçланă. Çул-йĕр хывассипе «Дорстрой» подряд организацийĕ пурнăçласа пырать. Хальхи вăхăтра çĕр ĕçĕсене вĕçленĕ, шыв пăрăхĕсем вырнаçтарнă, вак чул сарнă. «Çÿлти Кинчер - Вăтакас» автоçул халăха район центрне тухма пулăшать, çамрăк ăрăва Пинерти шкула шкул автобусĕпе илсе çÿреме тытăнĕç.
Источник: "Урмарская районная газета"
Первоисточник: А.ТИХОНОВ.