15 декабря 2012 г.
- Çĕнĕ çул çывхарса килнĕ май çулталăкри чи пысăк та çутă уявсенчен пĕрне чысласа ирттермелли мероприятисен планне çирĕплетеççĕ. Чи пĕлтерĕшлисенчен пĕри - «Çутă пултăр!» конкурс. Уявра камăн хитре хула, ял тăрăхĕсен урамĕсем тăрăх çÿресе хĕллехи илемпе киленес килмест; Иллюминацисен çути пурин кăмăлне те çĕклĕ. Кăçал вăл декабрĕн 12-25-мĕшĕсенче иртĕ. Çĕнтерÿçĕ организацисемпе хула ял тăрăхĕсене хавхалантару кĕтет.
- Кашни çулах Вăрмар поселокĕнчи тĕп площадьре Хĕл Мучисемпе Юр пикесен конкурсĕ ирттереççĕ. Кăçал вăл январĕн 26-мĕшĕнче иртĕ.
- Ачасемпе çамрăксен Вăрмарти пултарулăх çуртĕнче Çĕнĕ çула хатĕрленсе ирттерес енĕпе шкул директорĕсен заместителĕсемпе, аслă вожатăйсемпе семинар ирттернĕ. Уявра ирттермелли мероприятисен планне пăхса тухнă.