Публикации » Коррупцие хирĕç экспертиза ирттереççĕ

29 мая 2013 г.

Район прокуратури нормативлă право акчĕсене коррупци сĕмĕ пуррипе çукки пирки те тĕрĕслев ирттерет. Акă Чупай ял тăрăхĕн пуçлăхĕн мартăн 28-мĕшĕнчи 16 номерлĕ «Чупай ял тăрăхĕнче транспорт хатĕрĕсене çÿреме вăхăтлăх чарасси çинчен» Йышăнăвне тишкернĕ май вăл федераллă тата республика саккунĕсемпе коррупцие хирĕç кĕрешес енĕпе килĕшсе тăманнине палăртнă. Çавăн пекех Йышăнура çул-йĕр паллисене лартассине пăхăнман. Чупай ял пуçлăхĕн хушăвĕпе килĕшÿллĕн уйрăм сăлтавсем вăхăтĕнче автомашинăсемпе çак çулсем тăрăх çÿреме ирĕк парасси коррупци патне илсе çитерме пултарнине палăртса район прокуратури Чупай ял тăрăхĕн пуçлăхĕн Йышăнăвĕ пирки хирĕçлев тăратнă.

Г. ДЕМЬЯНОВ, район прокурорĕн заместителĕ.