30 апреля 2013 г.
Вăрмарти халăхăн социаллă ыйтăвĕсене тивĕçтерекен центр Арапуçĕнчи вăхăтлăх пурăнмалли уйрăмра пурăнакан ватăсемпе социаллă ĕçченсем тăтăшах Вăрмарти культурăпа кану центрĕнче пулаççĕ. Апрелĕн 25-мĕшĕнче те вĕсем кунта Чăваш академи драма театрĕ лартнă «Икĕ каччăн пĕр шухăш» спектакле курса киленчĕç. Артистсем выляни асаннесемпе асаттесене питĕ килĕшрĕ.
«Ĕлĕкхи пурнăç куç умне тухса тăчĕ, хальхи пурнăç лайăххи каламасăрах паллă ĕнтĕ...» - терĕ Юля аппа. Малалла татах та спектакльсене тухса çÿреме кăмăл турĕç ватăсем.
А.ИВАНОВА, специалист.
Источник: "Урмарская районная газета"