Публикации » Туслă класс

27 апреля 2013 г.

Эпир класра пурĕ саккăрăн кăна вĕренетпĕр: тăватă хĕр ачапа тăватă арçын ача. Пирĕн класри дежурнăйсем кашни кунах класа типтерлĕ тытаççĕ: урай çăваççĕ, доска тасатаççĕ, чечексене шăвараççĕ. Эпир класра пĕр-пĕрне яланах пулăшатпăр. Класс ертÿçи - Юлия Александровна Гурьева. Эпир хамăр учителе питĕ хисеплетпĕр те юрататпăр. Кам та пулсан уроксене тума манса кайсан эпир пĕрле пĕр-пĕрне пулăшатпăр. Пирĕн класра арçын ачасем питĕ спортпа туслă. Вĕсем хĕлле йĕлтĕрпе тĕрлĕ ăмăртусене хутшăнаççĕ. Хĕр ачасем вара тĕрлĕ предметсемпе - олимпиадăсене те. Эпир класра уроксем хыççăн та мероприятисем ирттеретпĕр. Класс сехечĕсем вăхăтĕнче тĕрлĕ калаçусем йĕркелетпĕр.

 Т.ТИМОФЕЕВА,Кивĕ Вăрмар шкулĕ.