08 декабря 2012 г.
Çĕршывăн мĕн пур почта уйрăмĕсенче хăйне евĕрлĕ «Хĕл Мучи саламĕ» пулăшу валли заказсем йышăнаççĕ. Асамлă Мучи ячĕпе питĕ илемлетсе çырнă ырă сăмахсемлĕ çыру е хитре сувенир ачасене те, çитĕннисене те килĕшĕ.
Заказ панă чухне Çĕнĕ Çул саламĕ çырма кирлĕ мар - ăна заказпа пĕрле ахалех параççĕ. Кăçал уяв ассортименчĕ пĕтĕмпех çĕнелнĕ тата анлăланнă. Раççей Почти тĕрлĕрен 16 парне сĕнет, вĕсем кирек мĕнле çулти ачасене те, хăш-пĕрисем тата пĕтĕм çемьене те савăнтарĕç. Пулăшу 120 тенкĕрен пуçласа 1350 тенкĕлĕх пулать - пĕтĕмпех суйласа илнĕ парнерен килет. Сăмах майăн, çак пысăках мар хаксене тивĕçлĕ партнер пулнипе çирĕплетнĕ.
Заказсене декабрĕн 23-мĕшĕччен йышăнаççĕ.